Pag-unawa sa Gastritis

Ang sikmura

Upang tunawin ang pagkaing iyong kinakain, gumagawa ang iyong sikmura ng matatapang na asido at enzyme. Mayroong likas na depensa ang malusog na sikmura na nagpoprotekta sa pinakadingding nito mula sa pagkasira dahil sa mga asido at enzyme na ito.

Kapag mayroon kang gastritis

Maaaring sirain ng mga asido ang pinakadingding ng sikmura kapag hindi gumagana ang likas na depensa ng sikmura gaya ng dapat gawin ng mga ito. Maaaring mamaga ang pinakadingding ng sikmura. Kapag nangyari ito, tinatawag itong gastritis.

Mga sanhi ng gastritis

Maraming sanhi ang gastritis. Maaaring kabilang ang mga:

• Aspirin at nonsteroidal anti-inflammatory drugs (mga NSAID)

• Paggamit ng tabako

• Pag-inom ng alak

• Helicobacter pylori (H. pylori) bacteria

• Trauma mula sa mga pinasala, paso o maselang operasyon

• Paggamit ng cocaine

• Pagkalantad sa radyasyon

• Malubhang sakit o mga sakit na autoimmune

Mga karaniwang sintomas

Dahil sa gastritis, maaari mong mapansin ang isa o higit pa sa sumusunod:

• Pakiramdam na nag-iinit sa itaas ng iyong tiyan

• Pananakit na nangyayari pagkatapos kumain ng ilang partikular na pagkain

• Gas o pakiramdam na kinakabag sa iyong tiyan

• Madalas na pagdighay

• Pagduduwal na mayroon o walang pagsuka

• Pagkawala ng gana

• Pakiramdam na busog kaagad

• Dugo sa suka

• Mga dumi na mukhang maitim at mala-alkitran

• Pamumutla

• Pagkapagod (pagkahapo)